Ganito ang sulat ni Nat: sinabihan siya ng CEO na fired na siya, pero hindi malinaw kung anong company policy ang nalabag niya. Apat na araw pagkatapos, saka pa lang siya binigyan ng notice to explain. At habang nag-iimbestiga, sinasabi na raw ng CEO sa ibang empleyado na tanggal na siya.
"Due process pa ba ito kung parang may desisyon na bago pa ako pinagpaliwanag? At hindi ba dapat confidential ito?"
Mabigat na tanong ito para sa empleyado. Pero mahalaga rin ito sa employer, dahil ang paraan ng pagdisiplina ay kasinghalaga ng dahilan. Sa video na ito, tinalakay nina Atty. Ramon Ramirez at Atty. Erwin Zagala ang sitwasyon ni Nat. Nilinaw nila na hindi ito one-on-one consultation, dahil maraming detalye ang kulang.
Ano ang ibig sabihin ng procedural due process sa termination?
Bago masagot ang tanong ni Nat, kailangan munang maintindihan ang proseso ng pagdisiplina sa isang regular na empleyado. Ano ang mga hakbang, at saan pumapasok ang notice to explain?
Kailangan bang may formal hearing?
Marami ang nag-iisip na kailangang parang korte, may judge at gavel. Ipinaliwanag sa video kung ano talaga ang "ample opportunity to be heard," at kung pasok ba ang Zoom o written explanation.
"Luto" na ba ang desisyon kapag may sinabi na ang CEO?
Ito ang puso ng tanong ni Nat. Ano ang mga dapat tingnan bago masabing prejudged ang kaso? Nagbigay ang video ng mga obserbasyon at mga tanong na dapat masagot.
Paano naman ang privacy ng empleyadong iniimbestigahan?
Pwede bang pag-usapan ng management ang disciplinary case ng isang empleyado sa ibang staff? Tinalakay sa video ang kaugnayan ng termination proceedings sa sensitive personal information.
Panoorin ang buong video dito para sa kumpletong paliwanag.
Para sa mga employer at HR na gustong maging malinaw at patas ang disciplinary proceedings nila, tingnan ang The Complete Employee Discipline System
Ang article na ito ay para sa general information lamang at hindi legal advice. Para sa inyong specific na sitwasyon, kumonsulta sa abogado.
